Nahiko bitxia iruditu zait bertan aurki ditzakegun hiztegi batzuk. Gutxi gorabehera ulertu dezaket norbaitek euskara-esperanto hiztegia erabiltzea (beno, frikiak batez ere), edo euskara-italiera eta euskara-galoa. Gutxi gorabehera esan dut, imajinazio handiarekin. Baina zenbat jendek erabiltzen ditu euskara-txekiera edo ta euskara-estoniera hiztegiak? Beno, txekiar webgunea, batez ere, gramatikaz hitz egiten du, edo hori uste dut, nik oraindik ez dakit txekiera eta.

Bertan aipatzen ez den hiztegi bat, orain dela gutxi agertu dena, euskara-japoniera da, GioHata enpresak eskainita.

Euskarazko hiztegi orokorrak ez ezik, beste webgune baliogarriak biltzen ditu hiztegiak.net. Sinonimozko hiztegiak, entziklopediak, gai bereziko hiztegiak eta beste tresnak, bai interneten bidez erabiltzeko, bai internetik jaisteko softwarea. Eta tresna hauen artean gure X-Office-n instalatu ahal den euskarazko ortografia zuzentzailea da aipagarrienetako bat. Xuxen webgunean aurki dezakegu eta sistema eragile guztientzat (Windows, Linux eta Mac) dago bertsio bat.

Comments

Podcast internetera igotzen den soinu fitxategi berezi bat da. Fitxategi honetan irratzaio bezalako programa bat grabatzen dugu, guk egindakoa. Interneten bidez jendea jaisten du fitxategi hau bere ordenagailuan edo musika erreproduktorean nahi duenean entzun ahal izateko.

Podcast bat edozein hizkuntzetan egin ahal da, eta euskeraz ere badaude, oraindik gutxi izan arren. Horregatik, Info7 Irratiak, UEUko eta EHUko Kazetaritza Sailekin elkarlanean, geure artean podcastgintzaren kultura indartzeko, euskarazko podcasten lehen erakustaldia antolatu du. Erakustaldi honetan parte hartzeko gonbidapena guztiei luzatzen diote, edonork podcast bat egin ahal duelako. Nola? Behar den gauza garrantzitsuena ordenagailu bat da internet konexioarekin, eta hau irakurtzen ari bazara suposatzen dut hori ez dela oztoporik izango. Podkaraz-ko webgunean zuen eskura daukazue podcast bat egiteko behar diren jarraibide guztiak.

Anima zaitez.

Comments

• Blogak.com.

Gipuzkoako Foru Aldundiaren laguntzarekin CodeSyntax enpresak egindako blog komunitatea da. Blogak sortzeko Bitakora softwarea, enpresa berak egindakoa, erabiltzen du. Momentuz, bakarrik etiketen bidez antolatu ditzakezu zure artikuluak. Oso erraza da bere erabilera, ez duzu informatikaz ezer jakin behar, eta 9 diseinu artean aukeratu dezakezu, CSS-en bidez aldatu ahal direnak.

• Blogari.net.

Lehenengo euskal blog zerbitzua izan zen eta Elurnet Informatika Zerbitzuak eginakoa da. b2evolution softwarea erabiltzen da blogak kudeatzeko. Artikuluak ataletan antolatzen dira eta Zabaldu.com edo Bildu.net-ra bidali ahal dira automatikoki. Gainera diseinu asko daude zure blogaren itxura aldatu nahi izanez gero, edo zeureak egin ditzakezu.

• Mundua.com.

Zerbitzu hau Ekostat Informatica enpresak eskaintzen du. BoroPress softwarea erabiltzen du blogak kudeatzeko, Wordpress-en oinarritutakoa baitago, eta haiek eskainitako Wordpress-en plugin eta itxura batzuk erabili ditzakezu. Artikuluak ataletan antolatzen dira eta horrez gain blog barruan weborriak sortzeko aukera dago.

• NireBlog.

Blog hau sartuta dagoen komunitatea. Blog zerbitzu honekin bloga euskaraz ez ezik, beste zortzi hizkuntzetan sortu ahal duzu. Blogaren itxura osoa alda dezakezu edo Wordpress-ekin bateragarriak diren hainbat diseinuen artean aukeratu. Post bakoitza Zabaldu.com, Bildu.net edo del.icio.us-era bidali dezakezu klik batez.

• Beste batzuk.

Beste web tresna batzuk daude blogak euskaraz egiteko, baina eduki espezifiko batzuei zuzendutak daude. Adibidez, NiNaiz kirolak, kirolariak eta kirol taldeei buruz hitz egiteko, GuGara herriak, auzoak eta herrialdeentzat, Uztarria Azpitiarekin eta Goiena.net Debagienarekin zerikusirik dituztenentzat.

Comments

Espero dut erabilgarria eta zuen gustokoa izatea.

Comments